منتديات همس القوافي للشاعر مالك البصري
احلى ابوذيات 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك ووجودك بيننا شمنتظر يله سجل
شكرا احلى ابوذيات 829894
ادارة المنتدي احلى ابوذيات 103798
منتديات همس القوافي للشاعر مالك البصري
احلى ابوذيات 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك ووجودك بيننا شمنتظر يله سجل
شكرا احلى ابوذيات 829894
ادارة المنتدي احلى ابوذيات 103798
منتديات همس القوافي للشاعر مالك البصري
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات همس القوافي للشاعر مالك البصري


 
الرئيسيةالبوابةأحدث الصورالتسجيلدخول

 

 احلى ابوذيات

اذهب الى الأسفل 
3 مشترك
كاتب الموضوعرسالة
سارق القلوب
جنـرالات المنتديـات
جنـرالات المنتديـات
سارق القلوب


ذكر
عدد المساهمات : 582
العمر : 32
العمل/الترفيه : طالب
المزاج : فرحا
جنسيتك : العراق
اعلام الدول : العراق
الأوسمه : احلى ابوذيات Mod
عارض الطاقه :
احلى ابوذيات Left_bar_bleue100 / 100100 / 100احلى ابوذيات Right_bar_bleue

الدنانير : 913
التقييم والشكر : 21
تاريخ التسجيل : 02/02/2009

احلى ابوذيات Empty
مُساهمةموضوع: احلى ابوذيات   احلى ابوذيات Icon_minitimeالسبت أبريل 24, 2010 11:52 am




بهيمه ياظعن شوكَي وناخوك


ونادوك اعلى كل محنه وناخوك


عضيدك آنه بالشده وناخوك
واصير احزام ظهرك عالدنيه

يلوم المادره بروحي شمرها


مايدري الدهر عن ودهم شمرها


ليالي افراكَهم والله شمرها
أمر من المنازع بالمنيه

نشف دمعك وانه دموعي ثريه


رغم عسري تظل نفسي ثريه


بظلام الليل اوجن لـك ثريه
لان كلبك بلا رحــمه ثريه


بتاج الفرح ولــفي توجاني


وحسن ردلي شبابي توجاني


من اثمار المحــبة توجاني


كلبي الشبع ضيم مـن الاذيـــة


احبك ما أحب عل الأرض سواك
سبحان الذي من طــين سواك
بشر لكنه ويال الكَـمر سواك
واحد فوق واحد بـين ايديه
همي من كـــثر يذبل وراها
ونار الكَلب مــا يخمد وراها
كل شده يـــهل وادم وراها
فرج ، والفرج من رب البريــه

انت الشمس وانت البدر منهل
وشفافك طعم العســل منهل
كلبي بس إلك ياتــرف منهل
الورد من تمر ياخـذ لك تحيه
روحي برشف خدك من عداها
احب وصلك وهابك من عداها
افراكَك يوم احمله ، من عداها
ازورك لو تصير احزاب اليه
جمالك زاد عن يوســف وقبله
وحبك صار لي منـبر وقبله
أمر أعلى الصخر ولفي وقبله
لأن كَلبك صخر ماحن عليه

حمامة الفرت من ايدي ولاجت


وعليها الروح تتعـذب ولاجت


من امس لليوم لاحطت ولاجت
ولا الها جدم بــرض الوطيه

ابكـــثر مانوح ملوني يراني
طحت والشــامت ابعينه يراني
يخوتي السبع مـن جسمي يراني
اكبال اهلي وعمامي اتشوف هيه
يصاحب لو تشوف اشلون كتماي
على عيوني ويسح الدمع كتماي
اشما اصبر الروح سر الهوه كتماي
تحن وتهيّج الساكن عليه
مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية

بدرب مسدود ومتيه محـله


ادموعي جم ذنب كلبك محله


بعد طير بضباب ابدا محـله
ولا اظن بعد نتلاكه سـويه


اجزعت من الصبر روحي وملت


اهموم احصدت بالدنيا وملت


بنيران الفضا اتجوت وملت
الجزع صاحت من الهم والاذيه

انتهينا وايست منك وضعنه


وكل واحد ماشي بدربه وضعنه


كَضه وياك واتبدل وضعنه
امأيس واغسلت منك اديه
اوفٍ من زماني اه منه
على اللي عشرتي وياه منه
اكَله الدرب هذا يكول منه
اكله فوت بيه يرد عليه
أنا دلولي نحر بالبــين يسعى
ثكَل همي ولالي صـــدر يسعى
اليغص بالزاد أهو للماي يسعى
وانا بالماي اغص أشــــلون بيه
روى الزيتون من دمعي ولاراك
أوغيري مانحل جسمه ولاراك
أخاف أطول غيبتكم ولاراك
وعند وصلك تدانيني المنيه
نكَل طرف الجذيله وحـيل يرها
حجي الغالب على المغلوب يرها
أنا روحي أشعره والمجنون يرها
لون عـاقـل تــرك منـها بجـيه
سمر لو بيض يعجبني شكلجن
تنور اشماتـكَللي ابشكلجن
لون واحد على حـالي شكلجن
بويا تدللن وانا النــيران بيه
سريتوا بالضعن ياترف هاوين
جفيتوني ولعـند الغير هاوين
هاميت يحلو الطــول هاوين
حياتي وانظر اكَــبالك عليه

وحك آية عصا موسى وسينا
الك حثت رجــايبنه وسينا
الك حسن النبي يوسف وسينا
الي والنور الك والنـار اليه
المصايب بس على روحي تلافت
يكَلبي اعله النكر طيــبك تلافت
اون وعظامي بهــجرك تلافت
طريح وســاد دوب النفس بيه
ناحل وامشي امكابر تراني
اجلّد خاف عـدواني تراني
تاره الموت يدهـاني تراني
اصيحه من يمر شامت عليه
شهر سيف الهجر ضدي وسله
نساني اوراح وي غيري وسله
عنب ماحصلت مــنه وسله
طلع ذيب أوكتلني اربـات إديه
نصحته اولا نفـــع وياه نصحاي
سكاره احنه بهــواه مابعد نصحاي
جفاني وصرت نصي ميت نصحاي
نحيـــل ولا اثــــر نكَّاد بيه
زماني جرد اســيوفه وسنهه
عليه اوحرمــت عيني وسنهه
وحكَ اللي فرض خمسه وسنهه
بعد هيهات عيـش ايصير اليه
مدري لاتناشدني على احشاي
بجيت وصب دمع عيني على حشاي
تبعت الضعن وجفوفي على حشاي
إشما مال الضعن روحي إتميل بيه
عفاني جيف الى مهجه ولي روح
اداري بالعلل كلها ولي روح
ماني بحال من يبكَه ولي روح
ابحالك يالقطعت الوصل بيه



كَوم انصب يصاحب ماتم النه
على الوياه ليــله ماتم إلنه
لون الرجل يمــلك ماتمنه
مهو بالهون فــركَاهم عليه
أحبابي اشلون حالتــكم بعدنا
اشبدينا والوكَت عنــكم بعدنا
إذا انتم نسيتوا احنا بعدنا
أبذكركم كل صباح وكل مسيه
وحكَ الالف واللامــين والها
وروحي بهوى ساهي العين ولها
لها ثغر وجبين وعــين والها
اخذ شبه البدر لو سـطع ضيه
اشمالك يازماني عـلي صليت
ابنار وحمسيت اجلاي صليت
مثل ماصلت ام عمران صليت
فنكَحني الهوه وذبــني بنويه
حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه
تبنا من العشــكَ واردود عدنه
وحسبنا اسنين مره وتــاه عدنه
أهوايه بالعجد حلـوات عدنه
لون روحك صدق خضره وطريه
هذا اللي لعند اعضاي هد هد
ملهي وابد ماينصاد هد هد
اكَله اكَرب يكَلّي ليك هد هد
ارفع مشتهاك اشتظن بيه
دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه

اندهني هم اضربك بيس واجراك
وعساك ابمثل حالي أتصير واجراك
يجي يوم الوجر فوكَاك واجراك
واهلس ريش جنحانك بيديه
ليش انته على الحبوك تنحال
وظلوعي ابيوم شال الظعن تنحال
إلك عكَده ابدليلي عيب تنحال
لما يطلع جديد الشيب بيه
روحي والهوى ودنياي وعداي
علي واشلون اشيل الجدم وعداي
صابر وانتظر واشـوف وعداي
ابفرح لو دوم وكَـتي محيط بيه
كل مغرم برت علتـــه وناله
سعيد اللي حضه بشخصك وناله
الطارش من سمع نوحـي وناله
ترك شغله وبجه رحمــه عليه

نديم الروح يامدلل صبلها


حنينه وشافت بعينك صبلها


مقامات العشك حبك صبلها


بقيثارة عواطف سومريه
تهت محد من احباب علي شار
ينجيني الذي شمسه علي شار
حجيت المصلحه طلعت على شار
رجيت الغانمه صارت رديه



اعذرني والوكت عنك لهاني
بعزاك الزاد الي ابدا لهاني
تفر من البدن روحي لهاني
بسبب ماشالت التابوت هيه

تشوف اهمومي بعيونك وترها


وتغيب وتكطع بروحي وترها


يرهيك الوكت يسمر وترها
وتصير انت ابو الراهي عليه

سهرت الليل بودادك وحييت


وكَلت مرحبه بطارشكم وحييت


يمطرب طفت بالكعبه وحييت
اذا جايب حبيبي اوياك اليه
تظن انساك وانته الروح واسلاك
سبب مايوم مني انكَطع وسلاك
أعيش آنه عقب فرقاك وسلاك
معافى والوشاة أعملوا بيه
غياب اجفاك لرموشي لجنها
عميت أوروح ماعادت لجنها
وحكَك غالي او دمعي لجنها
ارخصت من يوم شح وصلك عليه
اشتـبي منا تسـألنا ابشكلــنا
ورد جوري أبوسط جنه شكلنا
لون واحد على حــالك شكلنا
عصرنا الزلـف وانطيناك ميه

شوف اشسال من جرحي وشده


وعلي تصعب مداواته وشده


نخيت اشجم خوي بهمه وشده
يصير اصعب من اعدائي عليه
الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه


علي معانكَك ياترف ويبات


وعون النادمك للفجر ويبات


العاشكَ دوم يرع النجم ويبات
تجتلونه ولعد الله خطيه
عايش اومختلي ابحالي وخالي
وشوف اهواي بعيوني وخالي
عمي ذب علي جمره وخالي
جاب امهفته وهفه عليه

العاذل غير اطباعك ولاشاك


وتخاصمنا وصرت خصمي ولاشاك


الذهب غيرك على احبابك ولاشاك
وخصام انكَلب كل ودك عليه

تعابيني بحجي الواشين والنوم


وانا والله ونيني اعليك والنوم


شوف الجسد مني ركَد والنوم
حاربني وفلا يعتاد اليه
أتلعثم من أشوفـن وسطك أنا
أومنوا لوشوش بذانك واسطك أنا
تكَلي ويــنك أنتــه وسطك أنا
تدور بالنـبـض تـعـثر عليه

همي من كثر يذبل وراها


ونار الكَلب ما يخمد وراها


كل شده يهل وادم وراها
فرج ، والفرج من رب البريه





علامات الكبر بـانت ولاحن
أوخوي المانكسر كَلبه ولاحن
بعد ما أنشد انا عنـهم ولاحن
ولاحن بعد بالمـــالي بيه
بديت أوماعرفت أمنين بدواي
عليل أوحارت العربان بدواي
إذا أنته طبيب اتعــرف بدواي
الحكَني بالشفا قبـل المنيه
مر ولفي ايهبتـني ومره هبته
ومره اوصلت يمـه ومره هبته
طحت مكَدر يصاحب مره هبته
اسد يخسه الاسد ملكَــاه اليه
أبعز نومي إجا طيفك وعاني
وشكَد أتحملت منك وعاني
إجيت أومعتني إبدارك وعاني
ولامره إجـيت انــته عليه
نحيل الجسم بودادك وداراك
عجيبه الغيرك عني وداراك
أحلف ما أصل بابك وداراك
ولاكَولن جنت صاحب إليه
يناهي جوز عن هالطبع وتراك
ومثلك منوجد بالعرب وتراك
خدك نار لوفانوس وتراك
وشعرك ليل والكَصه ثريه
حيره ابياسجيه أمتدح وصفى
أنقى امن الذهب والماس واصفى
أعلى امن الوصف والمدح وصفى
ابكل خصله حرت وابكل سجيه
يحادي روعت قلبي بلحداي
يخايب لفني وياهـم بلحداي
اون طول الدهر حتى بلحدي
على الساروا وخلّوني سجيه

حبيبي أومهجتي أودنياي ونته
ترى المالوم صعب اهواي ونته
يصاحب تاه مني الكَلب ونته
بس لو صادفك تلكَاه إليه
كحل بالعـين أحـبابي يحطون
أوياحربه أمسومره أبكَصبة يحطون
ياليت أهلك أبكَرب أهلي يحطون
نـنام أثـنـيـنا أونلتف سويه
روحي مشت وياهم وهامت
على الما بينت منهم وهامت
اجفوف اعليك اطيرها وهامت
واخلي ادموم تجري اعلى الوطيه
أريد أرحل ابضعن الشوكَ وحداي
أوكَلت هذا قراري أوياك وحداي
أريدك بس إلي خاص وحداي
مو عين الهذاك أوعين إليه



أبات الليل بالحـسرات منطر
تضل عيني على البيـبان منطر
شفت خدها عبالي الفجر منطر
كَمت صليت من غــصبن عليه
حبيبي اختارك الــدلال واشراك
عجب تحفر حفر لهواك واشراك
وحكَ ال مااله إنـداد واشراك
أحبك لو تصير احــزاب إليه
يكت دمعي بيابي دمى واجفى
إلي ويا الخان يوم الحشر وجفى
انجان انته وليفك زعل وجفى
أنا ولفي نكرني أوخان بيه
أضعضع حيلي من فركَاك ونهار
اوعليك ادموعي صبن مزن ونهار
بعد ماعرف طعم الليل ونهار
إتعمى عين الغفت بجفاك إليه
يدنيا إشمال دولابج يناحي
ومن الصوبين كسرتي جناحي
وأنا الذاك الجنت أمر وناهي
صرت شبوط والفالات بيه
لويت الدهر مافد يـــوم حنيت
وديا من دموع العــــين حنيت
ييمه اوداعتج هالـــــيوم حنيت
أوشلت نار الدمع بجفوف أديه
حبك من شفـاف القلب عتباي
ولانوبه أذكرتنا واوصلت عتباي
أعتب مانفـع وياك عتباي
على ياهي أزعـلت واقطعت بيه
كَلبي مافرح عكَـبك ولاسار
ولاجدمي خطى الغيرك ولاسار
أخبرك مابكَت جـلمه ولاسار
فضحني الدمع من غصـبن عليه
أبد مازلزلك حالي وهدك
عفاه اشيحمل الكلفه وهدك
قصدي بس اصيدنك وهدك
واريد اتصير حر وترد إليه
وحق التعبده شيعه وسنه
هذوله الحرموا نومي وسنه
عليك اسيوف جردنه وسنه
علامك يلعبدت اشميت هيه
بعدني ألف وسفه الوقت عنك بعدني
أموت أو أرتجي وصـلك بعدني
أوتراني عالعهد باقـي بعدني
تراك أنت النظـر والحيل بيه
حبي إلك مافد يـــوم ينكَص
أوليش الصاحب أمن ايغيب ينكَص
زمن خل الحديد ابخشــب ينكَص
ويخلـي الماله اول بالثنيه
صب دمعي على الوجنات ياهل
أوماتدرون بيا اشصــار ياهل
صرت عصفور جني بيـد ياهل
أهـو يــلعب وانــا الجانون بيه
حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه


الكَباحه دوم من اشفاك تنباع


ابفلس ما ظن بسوك الهرج تنباع


من حجيك غشيم الراي تن باع
وطلع كله دغش وسموم حيه
ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سيه

الكَلب شاجر على ابن أمه وداوي


تضعضع ونهدم ركنه وداوي


لا مجروح حتى اكَعد وداوي


ولا غايب وكَول يعود ليه

علامك تصد عن عتبي وتلهاي


او اراك امولع بخصمي وتلهاي


ولك نارك خذت كَلبي وتلهاي
لها روحي اول لهبها محيط بيه

الواحد ما يصير اثنين بالقيد


ولا عندي حجي العذال بالقيد


دخيل اليسروه للشام بالقيد
يلين المايحن كَلبه عليه

من منكم علي نشد من سال


جفيتوا وبجفاكم صوت من سال


اشعندي غير دمع العين من سال
اخفف بيه مصاب الصار بيه


متى من ليل هجر اجفاك تنهال


اشجره وسياط هجرك علي تنهال


عزيزه دمعتي وبجفاك تنهال
مثل هل السحاب اعلى الوطيه

رفضنا كل مذله احنا وبينه


الشهامه انغرست بحينا وبينه


انت خالنه وعمنه وبينه
كف دمعك ولا تبدي الشجيه

الصديق اللي نشوفه نقي ونظيف


نود كل يوم نبدي اعليه ونضيف


علي طيبه نجمل طيب ونضيف
بكثر معنى الحروف الابجديه

الهيبه بس الك ربك وهبها


انسام الخير من وجهك وهبها


امر دارك يابو النخوه وهبها
شهم والطيب الك صاير سجيه
قسيت اوياك يسمر عمي أنا
أوعين الماتشوفك عمي أنا
إذا خالك فزع لك عمي أنا
تبرى أوضحك الوادم عليه

انشدك من لهيب النار شكوه


اعطشت ومن السراب امليت شكوه


اشتكي عندك عليك بالف شكوه
ولا كَلبك سمعها وحن عليه


وحك اللي تعبده الناس منشاف


الدمع من يومكم لليوم منشاف


الف ياحيف شفي انكطع منشاف
بعد هيهات جمعتنا سويه

صحت الغوث من دنياي وناس


منهم ماشفت بالكدر وناس


هذا الكَطع ذاك الغفل وناس
استغيث بخالقي رب البريه

تهزهز يا كبر وانفض ترابيك


وعزيز الروح هالنايم ترابيك


اجاني العيد وعيوني ترابيك
انهض لاتشمت اعداي بيه

علام الدهر شتتن وطرنا


عكب ذاك الطرب بالهم وطرنا


الف ياحيف مكضينه وطرنا
ليالي اللي مضت متعود ليه
الرجوع الى أعلى الصفحة اذهب الى الأسفل
http://real.tv-soap-boards.com/index.htm
الشاعر مالك ا
Admin
Admin
الشاعر مالك ا


ذكر
عدد المساهمات : 676
العمر : 36
العمل/الترفيه : طالب جامعي
المزاج : نايس
جنسيتك : العراق
اعلام الدول : العراق
الأوسمه : احلى ابوذيات W4
عارض الطاقه :
احلى ابوذيات Left_bar_bleue70 / 10070 / 100احلى ابوذيات Right_bar_bleue

الدنانير : 1028
التقييم والشكر : 21
تاريخ التسجيل : 18/09/2008

احلى ابوذيات Empty
مُساهمةموضوع: رد: احلى ابوذيات   احلى ابوذيات Icon_minitimeالسبت أبريل 24, 2010 12:21 pm

ولا اروع منها شي

تقبل كلماتي المتواضعه في شخصكم الكريم

لقد ابدعت في جديدك

ننتظر الأروع ياغالي
الرجوع الى أعلى الصفحة اذهب الى الأسفل
https://malik.ahlamountada.com
صائغ الحب
اصحاب الأبداع
اصحاب الأبداع
صائغ الحب


ذكر
عدد المساهمات : 244
العمر : 29
العمل/الترفيه : كاعد وساكت
المزاج : لبيك يا حسين
جنسيتك : العراق
اعلام الدول : العراق
الأوسمه : احلى ابوذيات Member
عارض الطاقه :
احلى ابوذيات Left_bar_bleue35 / 10035 / 100احلى ابوذيات Right_bar_bleue

الدنانير : 332
التقييم والشكر : 9
تاريخ التسجيل : 22/07/2009

احلى ابوذيات Empty
مُساهمةموضوع: رد: احلى ابوذيات   احلى ابوذيات Icon_minitimeالسبت أبريل 24, 2010 12:31 pm

السلام عليكم
ورلله روعه وحلو اخي سارق القلوب
الرجوع الى أعلى الصفحة اذهب الى الأسفل
سارق القلوب
جنـرالات المنتديـات
جنـرالات المنتديـات
سارق القلوب


ذكر
عدد المساهمات : 582
العمر : 32
العمل/الترفيه : طالب
المزاج : فرحا
جنسيتك : العراق
اعلام الدول : العراق
الأوسمه : احلى ابوذيات Mod
عارض الطاقه :
احلى ابوذيات Left_bar_bleue100 / 100100 / 100احلى ابوذيات Right_bar_bleue

الدنانير : 913
التقييم والشكر : 21
تاريخ التسجيل : 02/02/2009

احلى ابوذيات Empty
مُساهمةموضوع: رد: احلى ابوذيات   احلى ابوذيات Icon_minitimeالثلاثاء أبريل 27, 2010 5:44 pm

شكرن اخواني
انشالله أئتي لكم
اروع منهن
اهواي
الرجوع الى أعلى الصفحة اذهب الى الأسفل
http://real.tv-soap-boards.com/index.htm
 
احلى ابوذيات
الرجوع الى أعلى الصفحة 
صفحة 1 من اصل 1
 مواضيع مماثلة
-
» احلى ابوذيات
» ابوذيات رومانسيه
» ابوذيات منوعه
» ابوذيات رووووعه
»  احى ابوذيات اعتاب

صلاحيات هذا المنتدى:لاتستطيع الرد على المواضيع في هذا المنتدى
منتديات همس القوافي للشاعر مالك البصري :: قسم القصائد والمقالات العامه :: منتدى الدارمي والأبوذيه-
انتقل الى:  
متطلبات المنتدى
 
الأخبار الرياضيه 1
الأخبار التقنيه

.

 

إغلاق
التسجيل السريع منااا

الاجزاء المشار اليها بـ * مطلوبة الا اذا ذكر غير ذلك
اسم مشترك : *
عنوان البريد الالكتروني : *
كلمة السر : *
تأكيد كلمة السر : *

اعضائنا الجدد يرجى بعد التسجيل تفعيل الحساب الخاص بك لأننا سنرسل لك رساله على صندوق الرسائل الخاص بك على الياهو تحتوي رسالة ترحيب ورابط التفعيل اضغط الرابط ورجع ادخل للمنتدى بكل يسر وسهوله اما اذا لم تفعل نفسك بنفسك فستقوم الأدارة بتفعيلك بعد 24 ساعه وبعدها ستكون احد اعضاء هذا المنتدى ويمكنك الدخول والمشاركه ولأي استفسار او خلل في التسجيل يرجى مراسلتنا على الأميل التالي : albasry2006m@yahoo.com
التوقيت حسب (جمهورية العراق)


جميع الحقوق محفوظة لـ{لمنتديات همس القوافي للشاعر مالك البصري}

حقوق الطبع والنشر© 2016 - 2017

انت الزائر رقم



الوقت الذي امضيتة معنا في المنتديات هو:

ثانية