احلى قصيدة غزل

احلا قصيدة غزل

أهداء الى من كانت وستبقى الأولى
الى التتي لم يجمعني بها القدر h&h
ماصدك جذب مادام عندي عيون
ومن شفتة جمالك صدكت جذبة
الحواحب طير هاجر ما تعبلة جناح
على گصتك يرفرف ما تعب سربه
أعبدت نار المجوس التضوي علخدين
خدينك ذنب بس آنة أحب ذنبة
تسكرني الشفايف بالندى المخمور
عنبة شفايفك وأصل الخمرعندة
راقي ورقتك حتى الهوه يأذيك
والنسمة التبوسك علوجن صلبة
أبيض وي ترافة وناعم وشفاف
يمكن گشروك وضلت اللبة
عله صدرك شمس مكسومة بس نصين
شمس صح عله صدرك بس شمس رطبة
أصب روحي أعله روحك وأختلط وياك
حتى البٍيه بُعد بيناتنا نقَربة
وأسبح بيك أضلن بس سبح عطشان
وأذب روحي أعلة جرفك وآخذ الرغبة
گبل جان العمر كل لحظه عندي سنين
هسه سنين يمك تنكلب لحظة
ولأن تمشي عله كيفك كلشي كيفك صار
ومن شافت جمالك وگفت الركضة
عقيق بشفتك كلشي التبوسة أيصير
وكلشي ألي تكضه ينگلب فضة
وما نگدر نلزمة أيموع زندك ماي
عمي الماي زين ونگدر نكضة
تعبني الگلب جاهل وعلم بية
وجاهل لو تدلل ياهو ليكضة
أگلة أرجع تعال لصدري رد أردود
ما أرجع يگلي وترضه ما ترضه
القصايد من تمر تصيرلك جمهور
تصفن بالصور وبشوفتك تحضة
فلت بلساني أسمك واني أحجي أشعار
صعدت علمنصة أتصفك الومضة
صعدت علمنصة أتصفك الومضة

باذن الله تنال اعجابكم

تحيات سارق القلوب

كيف لاتنال اعجابنا وهي من ذوقكم سيدي سارق القلوب

ما اروع التصوير وما ارقى المفرده

قصيدة في غاية الرووووووووعه

ارجو ان تمتعنا بجديدك الرائع اخي سارق القلوب

تقبل مروري

شكرن اختي على كلامك الجميل

وباذن الله الجديد احلا بكثير ويعجبكم

تحياتي لكم سارق القلوب

سارق القلوب كتب:: احلا قصيدة غزل

أعبدت نار المجوس التضوي علخدين
خدينك ذنب بس آنة أحب ذنبة
تسكرني الشفايف بالندى المخمور
عنبة شفايفك وأصل الخمرعندة
راقي ورقتك حتى الهوه يأذيك
والنسمة التبوسك علوجن صلبة

تحياتي الك اخي سارق يا مبدع

وجدة في القصيد ة لذة في التمتع بالوصف

واجازه للخوض في غمار الخيال

ومبرر وعتراف بذنب شيطان الجمال

تحياتي لك انت سارق القلوب وفعلاً انت سارق لأنك سرقت قلوبنا

وتحياتي لكاتب القصيده

ونوه للجميع ارجو ذكر اسم الشاعر

وهذا شي ضروري لكي نعرف المبدع الذي اجاد بقوافيه الذهبيه

تحياتي اخي سارق وتقبل مروري

» شعر غزل بس مو قصيدة
» قصيدة ابن العرندس
» قصيدة الثورة
» الشاعر مالك البصري قصيدة ( ياصوت الوطن )
» قصيدة إجرح على كيفك ,