مجموعه من اروع ماكتب من الداااااارمي

السلام عليكم يا احلى شباب بالمنتديات كولها

حبيت اليوم اجيبلكم

مجموعه من دارميات فعلن عجبتني

وتمنى تعجبكم لبعض شعرائنا الكرام

الشاعر زياد البصري يكول

لا تعتذر مليت ماريدك وياي
هو الجسر شيفيد لو ينشف الماي .

2
ها هاك اخذهه الروح ماتحمل وداع
چتفهه حتى ارتاح والزگهه بالگاع

3
گاعد واناطر دوم طيفك يجيني
ولو دوّرت بالعين تلگه انته عيني

4
تدري الكم اشتاگيت حد گطع الانفاس
عاين تشوف الشوگ من جدمي للراس

5-
بالحلم لو مريت اگعد واحاچيك
مدري الخلل بالروح مجري الخلل بيك

تحياتي للشاعر زياد

وايضاً الشاعر حسام المهندس كتبلنا

1- ماطب علي خطار بس وحشة اليل
وصار الكلب بجفاك ساعه بالف ميل

2- بوجه الدمع دمعات عايفني مرسوم
وبسود بطنه العين خلاني ملجوم

3- عطب سواد العين بعيوني دخان
من جرحي نص اليل بصرته العميان

4- ابسلة عنب شمات دسولي لسموم
ومن عصرتي من الكاع طشيت انه انجوم

5- ما تبجي عينه وجان بفراحه ساقي
وهسه بحرارة عين يبجي العراقي

تحياتنا للشاعر حسام

ونتمنى لكل شعرائنا التقدم والأفضل في مستقبلهم الشعري

الشاعر مالك البصري
[/size]

ما اروع هذي المجموعه المختاره من الدارمي

سلمت يداك اخي عازف الليل

الله لايحرمنه من جديدك يا رائع

سلمت يدك

اشكرك اخي
على هاذ الدارميات الجميله ولراعه وانشا الله ننتضر منك جديد

تقبل مروري

بيسلمو اخي الغالي عازف الليل

والله اكثير حلواة
لاتحرمن ى من جديدك

سلمت يدك

صح اسانك ونطلب الكثير يا وورود

» اروع ماكتب الشاعر ناظم الحاشي من الابوذيات
» مكتبة من ارووووع ماكتب من الأبوذيات
» قصات شعر ولا اروع
» من اروع القصائد الشعبيه
» من اروع الشعر في حب الحسين