جميع ابوذيات وزهيري الشاعر سمير صبيح

اليكم جديد منتدياتكم

جمعنا لكم ابوذيات الشاعر المتألق سمير صبيح

وأهديها الى من في بالي

اتمنى ان تصل بكل وضوح

اليكم الأبوذبات

*****************

طبعك مو شجي وكتلك شجاني
اشجنيت وياك شوكلي شجاني
امس جنت انحضن وانشم شجاني
كنفذ والحضن حسرة علية

ارخصك عالجروح وهذا خلة
تلجمة وكلبي خاف يريد خلة
الوفيت وياه كبلك راح خلة
اجة المايشتري يعاين علية

مهلة انطيني واصبرلي لعلماك
اخاف تكول مايدري لعلماك
اني الساري الواكف لعلماك
امنطيح اطيح خركة اعلة الوطية

الحزن لايك على كلبي ويافت
فت كلبي ومعى حيلي ويافت
غبت وانتهت كلش ويافت
اشم بالذيل والراس البلية

زهيري منجلي
اجلي بحديد الزمن مبرد وانة منجلي
بس جية الموت مامنها ابد منجلي
يكولون ليل الحزن لابد وان منجلي
وتطلع علينة شمس لمن وكتها يحن
وجف الهجر حنتة للحنة يرجع يحن
يفلان تدري شوكت كلبك علية يحن
لمن على السنبلة يعطف كلب منجلي

زهيري وشال
راح وكسر خاطري ولملم طيوفة وشال
ونهر المودة نشف ضلت اجروفة وشال
والدهر ماعافني رد عالجفوف وشال
وماعفت انة عشرتك كلبي اعلة حبك ضل
للهجر شو تعتني وعلاوصل كلبك ضل
بجتافي اغطي الشمس بالصيف الملك ضل
ولو مر عليك الشتى لفني اعلة صدرك شال

اسكت لاتضل تشكي بهاماك
وتلوم الروح وتعضعض بهاماك
اخذ طبع النخل وارفع بهاماك
واذا بالطين عركك هاي هية

الدنيا اشما احبنها وبرها
تزرفني بمخايطها وبرها
جاعت ناكتي وكلت وبرها
الدرب طول واخاف ترد علية

عليمن تحسب اغلاطة تعدلة
الميت بالبجي شتظن تعدلة
العوج عودة صعب ضلة تعدلة
يضل اعوج لمة اتلفة المنية

تحب بية طبع لاذم ولاداس
وجدمي مامشة الشينة ولاداس
لهذا ماربح حظي ولاداس
وصفة حتى الربح خسران الية

انة من الجرح ماخاف لوسال
يرى شامت واخاف شلون لوسال
سيفك بالجذب لعداي لوسال
علي هد واكولن هد الية

زهيري ضلو
كلي الربع بينو كتلة الربع ضلو
كلي اشعجب مااجو كتلة اعتقد ضلو
كلي تعرف السبب كتلة السبب ضلو
درب العلينة صعب لو عاذلن مرهم
كلي طبعهم شنو كتلة الحلو مرهم
كلي اذا مااجو كتلة ان عدل مرهم
كلي اشو غيمت كتلة الربع ضلو

زهيري راحلة
تدريني عندي كلب لاحن ولا راح الة
جل طير تعبان لتظن تجد راح الة
وبيامة هم مادرة اشكضة اشبقة اشراح الة
ينكسر ظهر الطير عالبيضة هو يوكف
وضعنك يصاحب زمن لاتعتقد يوكف
المال ماخلة اخو بالضيج الك يوكف
اتبع ضعنهم مشي لامي ولا راح الة
زلمة اليطيحة الوكت والوحدة يوكف

زهيري دجتة
شيب الذي ابهامتي هموم الوكت دجتة
وسوالف بالكلب خنجر غدر دجتة
ومن الشماتة ملح جابت الة ودجتة
بسجين عمية وتكص كلبي وضكت كصتك
وتك ايد كص الدهر وسيف الغدر كصتك
شو بس علي من اجي تلطم لطم كصتك
مثل المغيسل صفت كصتك مثل دجتة

زهيري كرك
يفلان هم العلي كاع ويطكها كرك
ولاتنتخي بكل بشر لو راد دهرك كرك
اشما تتعب وية الردي رايح يصاحب كرك
وثق لوطحت بالعسر بيك النذالة شفت
وجروحي صبخة وتنز لالاتضنها شفت
يل منكسر خاطرك هم مثل هاي شفت
ديج ويعوعي الوكت عالبيض خلا كرك

زهيري فصم
برمضان هجرك تبت سحرت كلبي فصم
وحنضل بعد غيبتك خلصتة صماً فصم
يل فاركتني الظهر بيدك فصمتة فصم
وماتنحمل غيبتك بحبال كلبي جرت
خلص دمع ناظري وعيني بشحمها جرت
ارد اسئل العارفة هم اعلة واحد جرت
اعثوك اكو بنخلتة بس ماكو كلها فصم

زهيري ومايرة

اسئلني واني اخبرك علي يرة ومايرة
وعن ياجفن يانهر علي يرة ومايرة
والسيف يشهد غداً علي يرة ومايرة
وعل ماهو والوهوة وعل مايطول وطال
وعلي فجرهم جفة وعلي فجرهم طال
مانعتب اعلة الذي ماطال كلشي وطال
لاكن عتبنة عتب علي يرة ومايرة

زهيري مايلي
لليحب والمايحب وللي يظد مايلي
جفي اعتنة الطيحتي محد عدل مايلي
تانيت بس مااجة عمرة الفرح مايلي
وخلي واذا مااجة مابينت خلتة
اني الليالي الحزن اكثر صبر خلتة
خاف الشمس غشتة وجو النجم خلتة
شيكول غيمة صفة اني النهر مايلي

روحك هم مثل روحة .. بها ون
وتدور عالفرح كاعد .. بهاون
جبت عمري مثل كهوة .. بهاون
يدك والنار عين الهة علي

حميتك دافعت عنك .. ورحماك
الطعن اهون ولا الوذن .. ورة حماك
كلت اوليك ما اعوفك .. ورحماك
وليت وطيبتي العمت علية

نهر خيري طفح لتكول .. زل ماي
شجاهة وما تردلي الثار .. زلماي
يمشيني على راية شلون .. زلماي
ولا جني ابن حامي الحمية

مو عشرة تراها وياك طلعت
من كثر الجروح الورح طلعت
شفت مرة الشمس بالليل طلعت
اكول للناس ميصدكون بية

احذرك لو تريد تسوي عركه وياي
ما شايفني حقك لمن اتعارك
اشك حلكك ببوسه ومنك اخذ ثار
بلكي تهد عليه وتاخذ بثارك

وهاي مني الك اجميل هدية

يظل حبك ترى بكلبي علي دين
وعهد للموت ما انساك علي دين
ولولا البعد لمشي لك على ايدين
تفداك الروح ياغالي علية

وهذا رد على كل ابوذية وزهيري

شكراً على المرور والرد

منور موضوعي اخ عازف

شكراً لمرورك

» الشاعر سمير صبيح
» ابوذيات عراقيه
» ابوذيات 2011
» احلى ابوذيات
» ابوذيات رووووعه